2024-09-18

სამსახურის უფროსის პირველმა მოადგილემ  ჰააგაში, ევროპოლის მონაცემთა დაცვის ექსპერტთა ქსელის თანაორგანიზებით გამართულ კონფერენციაში მიიღო მონაწილეობა

---

პერსონალურ მონაცემთა დაცვის სამსახურის უფროსის პირველმა მოადგილემ ოთარ ჩახუნაშვილმა  ჰააგაში, ევროპოლის მონაცემთა დაცვის ექსპერტთა ქსელის თანაორგანიზებით გამართულ კონფერენციაში მიიღო მონაწილეობა. 

კონფერენცია სახელწოდებით ,,მონაცემთა დაცვა და კიბერუსაფრთხოება როგორც სამართალდამცავი ორგანოების ძირითადი საქმიანობა’’ 2 დღის განმავლობაში მიმდინარეობდა. ღონისძიების  ფარგლებში განიხილეს შემდეგი საკითები: მონაცემთა უსაფრთხოება, დეზინფორმაცია, სამართალდამცავი ორგანოების მიერ სამეთვალყურეო ტექნოლოგიების კანონიერი გამოყენება, სამართალდამცავ ორგანოთა მონაცემთა დაცვის ოფიცრები და სხვა. 

კონფერენციაზე  სიტყვით გამოვიდნენ: ევროპოლის აღმასრულებელი დირექტორი კატერინე დე ბოლი, სლოვენიის პრეზიდენტი- ნატაშა პირც მუსარი და ევროპის მონაცემთა დაცვის ზედამხედველი  ვოიჩეკ ვივიოროვსკი.  

ღონისძიებაში  ასევე მონაწილეობა მიიღეს  პერსონალურ მონაცემთა დაცვის საზღვარგარეთის საზედამხედველო ორგანოების წარმომადგენლებმა.